تعزیه حضرت مسلم (ع)/مسلم شبه سی

امام حسین

ای مکه معظمه ای خانه ی خدا                       وی قبله ی مکرمه ای خانه ی خدا 
من نور چشم حیدر حق خانه زادیم                  تعریف بس بو شرذمه ای خانه خدا 
اوزدی الیمی ظلم ایله قبر رسولدن                   تمهید ایدوب مقدمه ای خانه خدا 
ترک ایلدوم مدینه نی گتدوم سنه پناه              تا ترک اوله بو همهمه ای خانه خدا 
لبیک گتدی حاجی لری کربلا غمی                   قربان اولوم بو زمزمه ای خانه خدا 
آل عبانون غصه سی غربتده چکدی داغ              نوح و خلیل و آدمه ای خانه خدا 

قاصد اول 
السلام ای گوهر اهل وفا                السلام ای منبع جود و سخا 
بیرجه نامه کوفه دن ای شهریار        محضر پاکیوه واردور جان نثار 
گور یازوبلر کوفیان بی عدیل           ای آقاجان بیز سنه اولّوق دخیل 

امام 
ای چرخ کجمدار مدارین دولانماسون                       فانوس شمع دهر مرادونله یانماسون 
بو اول مصیبت و بو غمده ای فلک                           آل علی نجه داخی جاندن اوصانماسون 
چکدور کمان ظلمیوی قیل سینه می نشان             سویله بلا اوخینه داخی هیچ دایانماسون 
مشگل کفن گیمیه عباس و اکبریم                         یا قاسمون الی گنه قاندن بویانماسون 
قاصد جواب نامه یوخومدور سن ایلمه تاب            زینب اسیر و خیمه لریم تا  تالانماسون 

قاصد دوم 
سلام من سنه ای پادشاه جن و بشر                        که کوفه دن گلورم قاصدم من ای سرور 
یازوبله خدمتیوه ای امام عز و شرف                      قبول زحمت ایدوب گید گنن عراقه طرف 
هدایت ایلیوبن ایندی ای امام جلیل                       گلوب اوسمته اولان اهل کوفیانه دلیل

 
امام 
فریاد و فغان قازدی فلک بنیادی                       شهد شرنگ قاتدی بو چرخ استادی 
ای خانه خراب چرخ گردون دی گوروم                دین اهلینه ایتدون بو نجه امدادی 
خوار ایلدی دورانده علی اولادین                      بو کوفده اهل کوفه نون ایرادی 
ای قاصد غم بو سوزیوه یوخدور جواب              چون کوفه ده هیچ یوخدور وفا بنیادی 

قاصد سوم 
السلام ای هادی اهل سُبل                     السلام ای کل عقل و عقل کل 
السلام ای دین اسلامه دلیل                 ای جهان ایچره اولان اهل سَبیل 
ای شریعت باغنه زینت ویرن                  ای حقیقت گلشنونده گل درن 
قیل مرخص ای شه خوش مقصدیم         عرض ایدوم تا گور نه واردور حاجتیم

 
امام 
السلام ای قاصد درد و بلا                       السلام ای قاصد ظلم و جفا 
شرحه چک ما فی الضمیرون قیل بیان      گرچه ظاهر دور منه سر و نهان 

قاصد 
یازوبله خدمتوه ای شه وفا گستر          عریضه جات ایله بو نامه جاته ایله نظر

تمام کوفه بو داغیله داغدارندور                  تکوبله گوز یولیوه جمله انتظاریندور 
دولاندور ایندی ایا شهسوار عز و شرف        جلال و کوکبه عزتون عراقه طرف

 
امام 
فریاد بو جور کوفه دن داد                صد داد بو چرخ سفله فریاد 
محرابده مسجد ایچره آخر               بو چرخ و بو اهل کوفه دن داد 
ایتدیله شهید اهل کینه                  آتام علینی زتیغ بیداد 
ایمانیله عهده یوخ وفاسی             بو فرقه ی کفر و کیش شداد 
من داخی نه جرات ایله آیا             بو سوزلره اعتقاد ایدوم آد 
بیلّم من اوزوم بو قوم بی دین        اولماز منه مطیع و منقاد 
ای وای داقیلدی خانمانیم             بو چرخ و بو ظلمه داد و بیداد

 
قاصد 
اولوبلار مجلس اغیاره دم ساز                   بو تیزلوقده بیزی ایله سرافراز 
اولوب بو فصلده ای فخر آدم                     چمن لر جمله سبز و شاد و خرم 
چکوب لر سرولر قد ای خوش انفاس          به یاد قامت نیکوی عباس 
پریشان کاکل سنبل زر افشان                    به ذوق اکبر خاطر پریشان 

امام 
اگر شاداب و خرم دور چمن لر                    ولیکن یاسه باتموش یاسمن لر 
اگر مین غم لریم سرو ایتسه زایل               گنه اولاّم قد عباسه مایل 
اگر گلزاره بلبل نوحه خوان دور                   ولی اکبر گل گلزار جان دور 
غم اصغر هواسی لاله زاره                       سالوب نیلوفرین باشینه قاره 
خلاصه ترک قیل قاصد خطابون                  منم قلبیمده چوخدور بو شتابون 

قاصد 
سراغون آلماقه ای شاه خوش خو                  دوشوب قُمری لر ایچره صوت کوکو 
گل و سوسن کسوب صبر و قرارین                  چکر گوز یولده هامو انتظارین 
غرض دورما داخی گورسن تدارَک                    سفر خوش دور مبارک دور مبارک 

امام 
گل ای چراغ شبستان دودمان عقیل                         که یعنی 1 ایا سرو بوستان عقیل 
پیا پی ایندی گلوب نامه های المیثاق                       یازوبدیلار منه نامه گروه اهل عراق 
یتوبدور امر بزرگان کوفه انجامه                                 یازوبدیلار منه جمعا اون ایکی مین نامه 
بوگونده علم اماتله من اوزوم بیلّم                            یقین بو کوفه ارا منده ترک سر قیلم 
و داخی سن بو سَفَره  اول شهیدان سن                     جفای ابن زیاد ایله قانه غلطان سن 
خدا رضاسیدی گل گید گنن هدایت قیل                     نیابت ایله بدقت منه حمایت قیل 

مسلم 
السلام ای شحنه ی دل پر شرار مسلمون                       جانوه قربان اولا بو جان زاری مسلمون 
هرنه حُکم ایتسن حَکَم سن هرنه امر ایتسن امیر         جان نه قابلدور سنه ای شهریار مسلمون 
بو خبردن سن منی الحق سرافراز ایلدون                    گور خزان وقتی آچولموش نوبهاری مسلمون 
بو سعادت خوش سعادتدور نه خوش دور طالعم           کاش اولا خاک رهین خاک مزاری مسلمون

بیر قلیچ نذر ایتمشم الله یولنده چالماقه                      آیه نصر من الله اولسه یاری مسلمون 

امام 
السلام ای بلبل خوش خوان گلزار حسین                      مرحبا ای طوطی خوش خوان گفتار حسین 
دورما داخی قیل تدارک دوش یولا تعجیل قیل                  اول دلیل کوفیان ای زیب بازار حسین 
گید گنن بو کوفیانه ایت گنن حجت تمام                       ایت تمام حجتی قول ایله اقرار حسین 

مسلم 
ایا عزیز شه ذوالجلال  و الاحسان                         یاز ایندی کوفیه فرمان واجب الاذعان 
که تا روانه اولوم بو زمان عراقه طرف                      نثار جان ایلیوم حکمیوه بعز و شرف 
هزار شکر که مُستوجِب نیاز اولدوم                       بو منصب ایله جهان ایچره سرفراز اولدوم 

امام 
اول بنام خالق داور                                     آخر بنام ذات پیمبر 
اولموش حسیندن بو نامه انشاء                   سیز کوفیانه ای اهل غوغا 
اون ایکی مین نامه سیز منیمچون               یاز دور دوز تماما عنوان پرخون 
هر نامه یوزمین سودای جاندور                    هر رسم خطی پر جوی قان دور 
اعلام عرضی ارسال نامه                           چکدوردی یکسر مطلب قیامه 
من هم برای اتمام حجت                           اوز جانبمدن با عز و شوکت 
مسلم پسر عم اول دل فکاری                    ایتدوم روانه کوفیه ساری 
بیعت گر ایت سوز بو نور عینه                    گویا ایدوب سوز بیعت حسینه 
ای اهل کوفه از کین ذاتی                         مسلم خلافین زنهار زنهار 
لیکن که بیلم بو جد و جهدی                     ای اهل کوفه سندیروز عهدی 
اشراف کوفه از کین ذاتی                          باغلار یوزیمه آب فراتی 
اکبر جوانی الدن آلولار                              لیلا باشینه قاره سالولار
عباسه زینت ویرم کفندن                         ایکی قولینی سالوز بدندن 
قاسم قانندن باغلار حنانی                      تازه عروسی ساخلار عزانی 
اهل و عیالیم شام ایچره آغلار                 زینب قرالر باشینه باغلار
میدانده ایلر از ظلم و اضلال                     آتلار ایاقی نعشیمی پامال 
باشیم جدالر اوسته بدن سیز                 گونلر اوگنده نعشیم کفن سیز 
باجوم آلنده نعشیم قوجاقه                    پیغمبر آغلار بو درد و داغه 
ایکی نفر بو عالمده یاران                      قانلو دوشیمون اوستنده گریان 
ایلله منزل از و مهر کینه                        بیر شمر ظالم بیرده سکینه 
سن اشگباره مسلم فدایم                   من هم شهید راه خدایم 
القصه گل آل بو حرز جانی                    گید ایله خوشنود سن کوفیانی 

مسلم 
الحمدلله اولدوم سر افراز                              تاپدوم بو یولده اکرام و اعزاز 
اولدی بیزه گر مهلت اجلدن                           اولوق همیشه یادونله دم ساز 
جان ویرمیش اولسام تا سن گلنجه                 قبریم داشینه گل آدیمی یاز 
یاز بوغریبون قرداشی یوخدور                     باجی یوزینه حسرتدور همراز

باجیلرون دی دوتسون عزامی                       آغلا اوزنده ای شاه ممتاز 

امام 
ماتم سرادور سن سیز حسینه       بو عالم ایچره انجام و آغاز 
سن گید که بیزده گلوق دالنجه      قالموبدور عمریم اِلّا که بیر آز 
باری سنی تاپشوردوم خدایه          الله اَدرِک ای اصل اعزاز 

مسلم 
گل بیرده اگلش مژگان اوخیله          اول مرغ جانه سن ناوک انداز 
مسلم دولانسون باشیوه بیرده          هرچند ایلر غم شخصی بی ناز 
قربان لوق آقا رفع بلادور                 قربان وفایه ای اصل اعزاز 
بیرده وصیت قیلم دوباره                تیز گل عم اوغلی یت قبریمی قاز 
داخی سنون جان ، جان بو یتیمون     هر صبح و شامی ایله سر افراز 

امام 

خواطریم سیزلردن هرگز جمع اولماز کوفیان    تا منمچون مسلم بی چاره کاغذ یازماسون 
لیک بیلّم قیلوز ای گروه فتنه جو من اولنده     غربت ایچره کیمسه قبرم قازماسون 

مسلم 
بو هولناک سفردن قاید مرم داخی ساق    اولوم ایاقیون آلتنده قبضه ای تپراق 
اولنجه روز قیامت که قبریده قالام          آقا همیشه او تپراقدن عطریوی آلام 

امام 
گیدون گیدون سیزی پروردگاره تاپشوردوم        خدای لم یزل اول کردگاره تاپشوردوم

مسلم  
سن غریب و دل افکاریدن خداحافظ              بو اشگ چشم گهرباریدن خداحافظ 
که جان سنون بو زمان جان منم یتیم لریمون    حفیظ ایله او اشراریدن خدا حافظ 

صیاد 
مرحبا بختیم ایلدی اقبال                     شکر کیم یتدی رزق اهل و عیال 
ایلدی قسمت ایندی غیبندن                  رازق بی نیاز رزق حلال 
بو شکارون کسوم یول اوسته باشون      یتدی من مستمنده یاخشی نوال 
گرچه چکدوم بو یولده چوخ زحمت        اولدی قسمت شکار پر خط و خال
 
مسلم  
ای وای مصیبت بو روزگاره          آهوی دوران دوشدی شکاره 
اف ای وفاسیز چرخ جفادن          قان موجه گلدی اولدی گوزیم تار 
اول که منزل یا رب ندور حال       چرخ زمانه چالدی نه بد فال 
قان موجه گلدی بو گوز یاشمده     بیلمم نه واردور یا رب باشیمده 
طرح مثلدور پیدا دور آری              هرسال نیکو خوش دور بهاری

در محضر امام