سربریدن /وداع امام عاشورا

امام ؛
یتدی جهاد موسمی رحلت زمانیدور هنگام محنت و غم و فرقت زمانیدور

سکینه :
گیچدی فراغت عالمی محنت زمانیدور من طفل بی پناهه محبت زمانیدور

امام:
ای اهل بیت خونجگر الله ساخلاسون بی کس حسینه ایندی شهادت زمانیدور

سکینه؛
یکسر گیون کفن سیز ایا عترت حسین امداد ایدون بو بی کسه غیرت زمانیدور

امام:
قویمه باجی که دیشره چخه خوردا کلفتیم اطفال بی پناهه محبّت زمانیدور

سکینه:
یالقوز قالوب اماندور آتام داخی دورمیون سلطان کربلایه حمیّت زمانیدور

امام:
ای نینوا جوانلری عون ایله جعفریم امدادیمه گلون که اعانت زمانیدور

سکینه :
قرداش فراقی سرو قدین ایلیوب کمان دشمن هجوم ایدوب دور مشقّت زمانیدور

امام :
ای نور دیده لر قایدون خیمه گاه سیز درد و بلایه صبر ایله طاقت زمانیدور

امام :
الله ایچون قاید داخی گلمه سکینه جان ایندی جهاد دشمنه همّت زمانیدور

سکینه :
گیدی آتام امیدم اوزولدی زمانه ده قالدوم یتیم درد و فراغت زمانیدور

زینب :
یاحسین صبر قیل امان گتمه بیر ایاق ساخلا بیرزمان گتمه
سال نظر بیرجه خیمه گاهه طرف آغلا شور جمع کودکان گتمه

امام :
ای باجی ایلمه فغان گیدرم تنگ اولوب دور منه جهان گیدرم
گوز گتوردوم عیال و مالیمدن قویارام یرده خانمان گیدرم

زینب :
ساخلا بیر دم عنان مرکبوی وار دلیمده غم نهان گتمه
اتمه سرعت که تا گلوم یتشوم یوخ داخی طاقت وتوان گتمه

امام :
چاره یوخ داخی حکم تقدیره گور اجل ایله هم عنان گیدرم
آغلا ماای بلاکش دوران حاجتین ایله سن بیان گیدرم

زینب :
بیر وصیت ایدوب آنام زهرا اتمینجه سنه بیان گتمه
بویورب حلق نازکندن اپوم کیم اولور خنجره نشان گتمه

امام:
ویرمه خجلت سرشگ غم توکمه آغلا ما ای انیس جان گیدرم
سیزی پروردگاره تاپشوردوم مین غم درده توأمان گیدرم

امام :

ایا رفرف قرب فوز فلاح براق سعادت ایا ذوالجناح
نه باعث دور بونوع کرداریدن قالوب سن عجب سیر رفتاریدن
مگر ای همای خجسته اثر قوشون چوخ لقوندن سن ایتدون حذر

بلافاصله

فغان اشک سرخ ایله دولدی گوزیم دوتوب اللرینه سکینه قزیم
بوحاله ایله ای داور کبریا حسینون عیالینه صبر ایت عطا
تذرو گلستان باغ محن سکینه ایا نورچشمان من
داخی اولمه مانع عزیز پدر حسینه شهادت زمانی گچر

سکینه :
حسینم گرکدور ویره تشنه جان اوله جسم صد چاکی قانه طپان
گرک ماتمنده جگر داغلایوم اوزوم اوز الیله گوزون باغلایوم
شهادت زمانی گچر نورعین داخی اولمه مانع بجان حسین

امام :
ایا ابن سعد تبه روزگار
سنه آتش دوزخ اولسون دچار
بوظلم ایله ای مرتد نا قبول
دل آزرده دور هم رسول وبتول
حسینه گلوب دوتمه سن کار تنگ
که تا عزم ایدوم سوی روم و فرنگ
منه واجب اولمش که ایلیوم جهاد
چکوب تیغ،ایدوم شاه مردانی یاد

امام :
هند ایچنده بیر جوان شیر النده بافغان
قورخودان اول باغری قان ایستر امداده منی

امام :
دوستار دلغمین اولما چوخ زارو حزین
غم یمه گلدی حسین بیل خلاص ایلر سنی

امام :
ای شیر قیل کناره اولوب سیزلره حرام
جسم محب خامس آل عبا

عمر بن سعد :
تمام لشگر ایدون هلهله به صوت نوا
هجوم ایله تکلون خیمه گاه بی پروا
وجود اشرفی هر یرده گر اولا ظاهر
حسیندی معدن غیرت یقین اولور حاضر

امام :
ای خسته علیل و دل افکاریم هوشه گل
قربان مریض جسموه تبداریم هوشه گل
قوی بیر چکوم قوجاقیمه تبدار جسموی
دیدار آخر یدرورکه غمخواریم هوشه گل

امام سجاد :
بیلمم نه وار مشاممه بوی وفا گلور
تبدار جسمه راحت و قلبه صفا گلور
جبرئیل سن عیادت ایچون آچمیشن قناد
سویله مگر بو جسم علیله شفا گلور

امام :
آچ گوزیوی قیل نظر من دگلم جبرئیل
محنت درد و بلا بزمنه مهمان منم

سجاد :
ویر منه زاره خبر یوخسا سنن بوالبشر
آغلا ماقوندن سنون دیده سی گریان منم

امام :
حضرت آدم هانی آغلا سون احوالیمه
گورسون اغول داغنه سینه سی سوزان منم

سجاد :
نوح نبی سن مگر نوحه و افغانیوه طاقت صبریم گیدوب حالی پریشان منم

امام :
کشتی نوح نبی تاپدی بلادن نجات بحر بلاده بوگون کشتی سی طوفان منم

سجاد :
یوخسا خلیل خدا سن ید بیضا اله کینه فرعونیان ایله جگرقان منم

امام:
آتش نمروددن تاپدی خلاصی خلیل آتش تاب و تبه پیکری سوزان منم

سجاد :
جد حسین علی احمد مختار سن قیل نظر احوالیمه دیده سی گریان منم

امام :
خاتم پیغمبران من دگلم نورعین روز جزاده ولی شافع عصیان منم

سجاد :
شیر خدا سن اگر ای شه والا گهر چک گنه تیغ دو سر بلبل نالان منم

امام :
هانی علی ولی تا گوره اوز اوغلنی باشدن ایاقه بدن قانمه غلطان منم

سجاد :
آدیوی ایله بیان اتمه منی باغری قان قالمدی تاب و توان غملره مهمان منم

امام :
آچ گوزیوی ای نور عین بیکس حسینم حسین کرببلاده بوگون امته قربان منم

سجاد:
ای اوله جانم فدا پیکرصد چاکیوه بویرالو جسمیوه ای بابا قربان منم

امام :
گل ایندی علم امامت ایدوم سنه تعلیم هر آنچه شرط امانتدور ایلیوم تسلیم

مسافر سفرم ای حزین بی غمخوار وداع آخر یدور قالدی محشره دیدار

عمر س
ای فوج سپاه دل شکسته
صف صف دورون ایندی دسته دسته
بیر بیردن اولون جدا سبک بار
صنعتگر و کاسب و کماندار
سیز ایلیون ازدحام یکسر
بیر یرلی هجوم ایله سراسر
چوب و نی و آتش شرارت
جسمینه ورون تاپه جراحت

امام حسین :
عجب وقت دعوادور ای ذوالفقار
وسایل مهیادور ای ذوالفقار
آتام مرتضا جنگینی یاده سال
که لا سیف الادور ای ذوالفقار
خیال ایت که جنگ احددور بوگون
ویا بدر کبرادور ای ذوالفقار

عمربن سعد:
ای فوج سپاه دل شکسته
صف صف درون ایندی دسته دسته
سیز ایلیون ازدحام یکسر
بیر یرلی هجوم ایدون سراسر

امام :
تمام پیکریم ای ذوالجناح دولی اوخدور
آپاردی ضعف منی قوی یره یرام
چوخدور
دالونده ساخلاماقا جسمیمون نه طاقتی وار
دگر یرامه سیزیلار گونون حرارتی وار
دگوبدی قلبمه اوخ ضعف اولوب منه غالب
حلال قیل منه قالدون جهاندا بی صاحب
تلاطم اتمگنن ای زمین کرب و بلا
سنون بولرزیه ایلر تلاطم عرش خدا
هنوز حجت حق زنده دور سن اول آرام
زبعد من گلجاقدور ظهوره دوقوز امام
امام دور علی اوغلوم پس از شهادتدن
که هیچ وقت زمین خالی اولماز حجتدن

امام :
ای گروه کین ایلیون حیا
اتمیون من زاره چوخ جفا
سوزشه گلوب قانلو پیکریم
ورمایون یرام اوستنه یرا

امام :
دشمن توکلدی خیمیه قارداشلاریم هرای
گلسن یمان گونیمدور علی اکبریم هرای
غیرتلو قارداشیمه بیری یوخ ویره خبر
عباس نامدار وفا پروریم هرای
یوخ قوتم دیزیمده حرم یولارین کسوم
منع ایلیوم بو لشگری،یاورلریم هرای
ای لشگر شقاوت اثر چوخدور غیرتم
گتمون حرمسرایه یاتوب اختریم،هرای

شمر:
بیجا ایشه اولمایون مواظب
تاواردور حسین جهاده راغب
گیدمون حرم حسینه یکسر
تاویرمیه جان حسین مضطر
سیز حمله قیلون سنان وشمشیر
جسمین ایلیون نشانه تیر

عبدالله :
ایاخبیث زاده لر بو بی نوانی ورمایون
غریبدور ذلیلدور بوخسته جانی ورمایون
یراسی چوخدور رحم ایدون بو ناتوانی ورمایون
یرزوره اشک خون توکر بو دیده تریم منم

شمر:
کناره دورگنن ای طفل بیکس و مضطر
شرار تیغ ایدر بوزمان سنی بی سر

عبدالله :
پیمبر اوغلنی مگر سالور بو حاله امّتی
چخوب تل اوستنه باخار هامو عیال وعترتی
باجیلاری حرملری گورور بونوع ذلتی
یاوقدور جان ویره سوسوز بوقانلو پیکریم منم

شمر :
یوخومدی رحم ایا کودک جگر بریان
گرکدی ستمله اولان ایندی قانوه غلطان

عبدالله :
فغان آه سنون ظلمیه ایاغدار
که ورما چپ قولیمه تیغ آتشبار
به وجه آیه فاما الیتیم لا تقهر
اذیت اتمه منه ای جوان حق داو