شبی (شبیه ) خوانی : نسخه حضرت عباس /محمد

.یوخسا عباس علینون قلیجندن قورخوب ایتوروب اوز اوزینی نام و نشان آختاروری

ای شمر ابن سعده آپار سن پیاممی تا خوابگاه شیره او روباه دولانماسون

عباس :
گلسون عزیز فاطمیه بیعت ایلسون جنگ غضنفری او لعین سهل سانماسون

عباس :
امت یولنده اکبری قربان گتور میشوق اولماز قبول قانیله ذولفون بویانماسون

عباس :
اصغر چالوب آنا دوشنه بسکه درناقون بیرجرعه سو ویرون اونا تا بلکه الماسون

عباس :
بیعت ایده یزیده حسین ابن فاطمه چوخ مشگل امریدور بو سوزی هیچ اینانماسون

عباس :
الا ای نسل شیطان دام قورمه شیر خونخواره سپندآسا منی یاندورمه ظالم سوزش ناره
مگر گورمن یاتوبدور شیر صولت خیمه گاه ایچره نهنگ قلزم قهر خدایه کیم ایدر چاره
بیله بیلمون حسین کیم قالوب بو دشتده یالقوز اموراتینی ایدوب تعویض عباس علمداره
یدالله ضرب دستیندن یتوبدور ارث عباسه ورام اود خرمن عمر عدوی کینه خونخواره
نیدوم آیا جوانلر داغی قولدن قوتم آلمش آلوبدور طاقتیم داغ جوان هیجده ساله
بو نو خط نو جوانلر قانینی گر آلماسام سیزدن حرام اولسون بو اسم و رسم من و تیغ شرر باره
که اکبر قاننه بیر یرلی دونیانی اگر قیرسم گنه آزدور مزمت ایلسون عالم علمداره
کیمون وار جراتی قویسون قدم میدان جنگ ایچره علمدار اولمسه نوبت یتشمز بیر سپهداره